Dioswan rimanakuy, Mosoq Sumaq Willakuy Intichay-P’unchawpi

Oraciones y Evangelio Dominical en Quechua

Indice

˃ Evangelio Dominical

 

   » Domingo I

 

 

 

 

SOLEMNIDAD DE SANTA MARÍA MADRE DE DIOS

 

Ciclo A

 

PRIMERA LECTURA

 

Lectura del libre de los Números 6, 22-27

 

6 22 Yahvé Moisesta nirqan: 23 Willamuy kayta Aaronman, wawankunamanwan ima khaynata: “Kaykunan kay rimaykuna, kaykunawanmi israelitakunata saminchamunaykichis kanqa:

24 Yahvé qankunata saminchasunkichis waqaychasunkichis ima;

25 Yahveyá uyanwan qanman k’anchaykusunki, kusa yanapaqniykitaq kachun;

26 Yahveyá rikuchikusunki uyanta, thak-kaytapas qosunki, nispaykichis.

27 Maypachachus aqnata sutiyta paykunapaq mañakunkichis chayqa, Ñoqan paykunata saminchasaq”, nispa.

 

SALMO RESPONSORIAL. Sal 28, 1-2.3-4. 3b y 9b-10.

Sal 66, 2-3. 5. 6 y 8 (R.: 2a)

R/   Dios khuyapayaykuchun ñoqanchismanta, saminchaykuwasuntaq.

 

2 Diosyá khuyapayaykuwasunchis, saminchawasuntaq,

Rikuchikuwasun k’ancharishaq uyanta;

3 Anqhaynata kay-pacha reqsichun Paypa rurayninta,

Lluy hathun suyukunataq reqsichunku qespicheyninta.

 

5 Kusikuchunku, q’ochukuchunku hathun suyukuna,

Imanaqtichus Payqa teqsimuyutan taripan chanin paqtachaywan;

Kushkachaywanmi paqtachanki llaqtakunata,

Kamachinkin kay-pachapi hathun suyukunata.

 

6 Llaqtakunaya añaychayta qosunkiku, ah Diosniy,

Llapan llaqtakunayá añaychayta qosunkiku!

8 Diosmi saminchawanchis, hayninkachachunkutaq

Payta kay-pachapi lluy k’uchuntin.

SEGUNDA LECTURA

 

Lectura de la carta del apóstol san Pablo a los Gálatas 4, 4-7

 

4 Ichaqa, watakuna hunt’ayukushaqtinmi, Dios kachamurqan Wawanta kay-pachaman, warmimanta paqariqta, ley kamachikushaqtin paqarimuqta, 5 llapan chay kamachikuyman k’umuykachichisqakunata qespichenanpaq, hinaspapas wawa kayninchesta chaskikunanachispaq. 6 Hinaqa, wawataq kankichis chayqa, Dios kachamurqan sonqonchisman Wawanpa Espiritunta, Paytaqmi qaparisparaq riman: Abbá, Yayay!, nispa. 7 Hina kaqtinmi, manañan kamachiñachu kanki, ashwanpas churi; hinaqa, churi-wawachus kanki chayqa, heredero iman kanki Diospa munayninwan.

 

EVANGELIO

 

Lectura del santo evangelio según san Lucas 2, 16-21

 

(Micheqkunan) 16 Usqhayllaman rirqanku, tarirqankutaqmi Maríata, Joséta, uywa qaranapi sirishaq wawatawan. 17 Chayta rikuruspankutaqmi, willakurqanku wawamanta llapanta uyarimusqankuta; 18 uywa micheqkunaq willakusqankuta chaypi llapan uyariqkunataqmi muspharqankuraq. 19 Mariataqmi, ichaqa, waqaycharqan llapan chay imaymana kaqkunata, sonqonpitaqmi chaykunata yuyaymanakurqan. 20 Uywa micheqkunaqa kutipurqanku Diosta hathunchaspaku yupaychaspanku ima, tukuy chaykuna uyarimusqankumanta, rikusqankumanta ima, angelkunaq paykunaman iman kasqan willasqallanta.

Circuncidanankupaq pusaq p’unchawña paqarimusqanmanta hunt’akuqtintaq, Jesús sutita churarqanku, manaraq wiksallisqa kashaqtin angelpa qosqan sutita.

 

REFLEXIÓN

Kay mosoq wataq ñawpaqnin p’unchawtan munayta raymichaykushanchis Mamanchis Virgen Mariata. Kusa allinpunin kay watatapas mamanchispa khuyakuyllanwan mosoq watata qallariyukuyninchis. Paywa kushkallapuni purishasunchis, Mamanchismi yachan Cheqaq ñanninta pusawananchista, Mamanchismi achhuykachiwasunchis Cheqaq-kaq reqsinanchispaq, hinallataq Cheqaq-kaqllapi kawsananchispaq, ama ima q’otuykunamanpas urmashananchispaq; Mamanchismi ashwan allintapuni yachan, imaynapis Cheqaq-kawsayta tarinanchista, hinaspataq Cheqaq-kawsayniyoq kananchispaq. Amaña wañu wañullaña purishananchispaq. Arí wakinqa kay pachaq qhawarinanpaqqa kawsashanña chaypas, allinta yuyaywan qhawaykuqtiykiqa aya hina suchukachashanku waynakunapas. Hinapi manchachikuspanku imaraq.

 

Kay mosoq wata qallariy p’unchawpiqa Virgen María Mamanchista yuyarikuspaqa, ashtawanqa iñinchis kay p’uchawpiqa, Virgen Maríaqa Diospa Maman kasqantan.

 

Riki herejikuna ñawpaqpas karqankun; niqkun: Mariaqa manan Diospa mamanchu nispanku. Imaynan hoq kamasqa Kamaqta wachanman nispa ima rimariqku. Niqkutaqmi: Cristo runaq mamallanmi nispa ima.

 

Chhaynata mana chaninta rimaspankuqa kikin Qespicheqninchis Cristomantan mana allinta rimapusharqanku. Jesucristoqa manapas huk ch’ulla personallachu kanman hina. Hoq sapaqchus kanman Cristo runaqa, hoqtaqchus kanman Dios Churiqa hina.

 

Atakaw, ima pantaychá kakunman khayna rimayqa.

 

Ñoqanchis cristianokunaqa iñinchis huk sapallan Jesucristopin, Cheqaq Dios, Cheqaq runa. Chay huk personallan paqarimurqan Mamanchis Mariáq wiksanpi. Chhaynaqa Diosmi paymanta paqarimurqan. Chay raykun Virgen Mariaqa, Diospa Mamanpuni.

 

Kay chanin rimariymi sut’inchakurqan haqhay 431 Efeso llaqtapi Iglesiaq Concilio nisqa huñunakuyninpi. Hinan llapan cristianokuna Mamanchistaqa reqsikunanchis Diospa Maman kasqanta.

 

© 2014 by PROVINCIA DOMINICANA DE SAN JUAN BAUTISTA DEL PERÚ

Telf ( 51-01) 427-7426 / 428-1234 

  • Facebook App Icon
  • gmail.png
  • Blogger App Icon

BLOGS

IUBILAEUM 800

1216 - 2016